بھارت کی ریاست جھارکھنڈ میں بھارتیہ جنتا پارٹی نے سابق وزیر سریو رائے سمیت کئی رہنماؤں کی ابتدائی رکنیت آئندہ چھ برسوں کے لئے منسوخ کردی ہے۔
بی جے پی کے جنرل سکریٹری دیپک پرکاش نے آج بتایا کہ پارٹی کے ریاستی صدر لکشمن گلوا کی ہدایت کے مطابق بی جے پی نے مسٹر رائے سمیت ان تمام رہنماؤں کی ابتدائی رکنیت منسو خ کرنے کا فیصلہ کیا ہے جو جھارکھنڈ میں جاری اسمبلی انتخابات میں پارٹی کے امیدواروں کے خلاف الیکشن لڑرہے ہیں۔
مسٹر پرکاش نے بتایا کہ بی جے پی امیدواروں کے خلاف الیکشن لڑنے والے جن لیڈروں کی ابتدائی رکنیت منسوخ کی گئی ہے ان میں مسٹر سریو رائے، بڑکوار گاگرائی، مہیش سنگھ، دشنیت پٹیل، امت یادو شامل ہیں۔
بی جے پی کے فیصلوں اور پارٹی کے آئین مخالف سرگرمیوں میں ملوث ہونے کے الزام میں نکالے جانے والے لیڈروں میں جمشید پور سے امرپریت سنگھ کالے، سبودھ سریواستو، اسیم پاٹھک، رجنی کانت سنہا، ستیش سنگھ، رام کرشن دوبے، ڈی ڈی ترپاٹھی، رام نارائن شرما، رتن مہو، ہرے رام سنگھ، مکل مشر، ہزاری باغ اور رام گڑھ سے سرویش سنگھ، سنجے سنہا، متھی لیش پاٹھک، تربھون پرساد شامل ہیں۔