جھارکھنڈ میں کسانوں کے بھارت بند سے ٹریفک متاثر

ریاست جھارکھنڈ میں زرعی قوانین کے خلاف کسانوں کی جانب سے بھارت بند کے پیش نظر سکیورٹی کے سخت انتظامات کئے گئے ہیں، اس احتجاج سے گاڑیوں کی نقل و حمل بھی متاثر ہوئی ہے۔

بھارت بند کی کال کے سبب ریاست بھر میں سڑکوں پر گاڑیوں کی نقل و حرکت متاثر ہوئی ہے لیکن دارالحکومت رانچی میں بند کا کوئی خاص اثر نہیں دیکھا جا رہا ہے۔ وہیں ماؤنوازوں کی طرف سے بھارت بند کی حمایت کرنے کی وجہ سے نکسل متاثرہ دیہی علاقوں میں اس کا ملا جلا اثر دیکھا جارہا ہے۔ ماؤنوازوں کے بند میں شامل ہونے سے ریاستی پولیس متحرک ہو گئی ہے۔

بھارت بند کال کی وجہ سے بہار جانے والی طویل مسافت کی گاڑیوں کو روک دیا گیا ہے۔ تاہم قومی شاہراہوں اور دیگر بڑی سڑکوں پر مال بردار گاڑیوں اور نجی گاڑیوں کا آپریشن معمول کے مطابق جاری ہے۔

یو این آئی