جموں:کانگریس نے جموں و کشمیر کے ریاستی صدر غلام احمد میر کی چھٹی کرکے ریاستی کانگریس کی کمان سینیئر لیڈر وقار رسول وانی کو سونپ دی ہے۔ان کے ساتھ سینیئر لیڈر رمن بھلا کو ورکنگ صدر اور غلام نبی آزاد کو پبلسٹی کمیٹی کا سربراہ مقرر کیا ہے۔Vikar Rasool Appointed New JKPCC Chief
کانگریس نے وقار رسول کو جموں و کشمیر کا ریاستی صدر بنایا کانگریس کے جنرل سکریٹری کے سی وینوگوپال نے بتایا کہ پارٹی کی عبوری صدر سونیا گاندھی نے جموں و کشمیر کے لیے مہم کمیٹی، سیاسی امور کی کمیٹی، رابطہ کمیٹی، منشور کمیٹی، پبلسٹی کمیٹی، تادیبی کمیٹی اور ریاستی انتخابی کمیٹی بھی تشکیل دی ہے۔
کانگریس نے وقار رسول کو جموں و کشمیر کا ریاستی صدر بنایا
انہوں نے کہا کہ کشمیر کے سینیئر رہنما غلام نبی آزاد کی قیادت میں 11 رکنی مہم کمیٹی تشکیل دی گئی ہے جس میں طارق حامد کارا کو نائب صدر اور جی ایم سروری کو کنوینر بنایا گیا ہے۔ سابق جے کے پی سی صدر غلام احمد میر، تاراچند، ٹھاکر بلوان سنگھ، ٹی ایس باجوہ، شبیر خان، نیرج کندن، عبدالمجید وانی اور فیروز خان کو اس کا ممبر بنایا گیا ہے۔
کانگریس نے وقار رسول کو جموں و کشمیر کا ریاستی صدر بنایا مزید پڑھیں:
سیاسی امور کی کمیٹی کی سربراہی کارا جبکہ رابطہ کمیٹی کی سربراہی غلام احمد میر کر رہے ہیں۔ سینیئر لیڈر سیف الدین سوز کو منشور کمیٹی کا چیئرمین، یم کے بھردواج کو نائب صدر اور رویندر شرما کو اس کا کنوینر مقرر کیا گیا ہے۔ سینیئر لیڈر مولارام کو انتخابی مہم کمیٹی کا چیئرمین اور یس یس چنی کو نائب صدر مقرر کیا گیا ہے۔
بتادیں کہ جموں و کشمیر پردیش کانگریس کے صدر غلام احمد میر نے آٹھ سال تک جے کے پی سی سی کے سربراہ کی حیثیت سے خدمات انجام دیے تھے۔
