جموں ایئرپورٹ حملے میں آئی ای ڈی کا استعمال: جانچ افسران

ایک افسر نے کہا کہ ایسا لگتا ہے کہ پہلے آئی ای ڈی اسٹیشن کے بنیادی ڈھانچے کو نقصان پہنچانے کے لیے بنایا گیا تھا جبکہ دوسرے آئی ای ڈی کا مقصد جوانوں کی جان لینا تھا۔

جموں کے ہائی سیکورٹی والے ہوائی اڈہ احاطہ میں واقع بھارتی فضائیہ کے اسٹیشن پر ڈرون حملے میں استعمال آئی ای ڈی کو آر ڈی ایکس اور نائٹریٹ کے مرکب سے تیار کیا گیا تھا۔ ڈرون حملے کی جانچ میں مصرف فوریسنک ایکسرپٹس نے پیر کو یہ جانکاری دی۔

جانچ افسران نے پہلے ہی خدشہ ظاہر کیا تھا کہ ہو سکتا ہے ڈرون کے ذریعہ گرائے گئے دھماکہ خیز مواد کو آر ڈی ایکس اور دیگر کیمیل کے مرکب کا استعمال کرکے بنایا گیا ہو۔

جانچ میں شامل افسران نے بتایا کہ پہلا آئی ای ڈی جو دیر رات ایک بج کر 37 منٹ پر بلاسٹ ہوا اس میں 1.5 کلوگرام آر ڈی ایکس اور ایک نائٹریٹ کمپونڈ کا مرکب تھا جبکہ دوسرے آئی ای ڈی میں زیادہ تعداد میں بال بیئرنگ تھے۔

ایک افسر نے کہا کہ ایسا لگتا ہے کہ پہلا آئی ای ڈی اسٹیشن کے بنیادی ڈھانچے کو نقصان پہنچانے کے لئے بنایا گیا تھا جبکہ دوسرے آئی ای ڈی کا مقصد جوانوں کی جان لینا تھا۔

ذرائع کے مطابق آئی ای ڈی کافی پیچیدہ اور انوکھے ہیں اور ایسا لگتا ہے کہ انہیں ایک آرڈیننس فیکٹری میں تیار کیا گیا تھا۔

ایک افسر نے کہا کہ ایسا لگتا ہے کہ سازش یہی تھی کہ پہلا آئی ای ڈی ہیلی کاپٹروں کو نقصان پہنچائے گا جبکہ دوسرا فضائی اہلکاروں کے جمع ہونے کے بعد انہیں نقصان پہنچائے گا۔

انہوں نے مزید کہا کہ اس طرح کا آئی ای ڈی بنانا صرف تنہا لشکر یا جیش جیسی تنظیموں کا کام نہیں ہو سکتا۔