Miscreants Attack Mosque شرپسنوں نے لکھن پورمیں مسجد کی توڑ پھوڑ کی

لکھن پور میں شرارتی عناصر نے ایک مسجد میں دوران شب توڑ پھوڑ کی۔ پولیس نے اس حوالے سے معاملہ درج کرکے تحقیقات شروع کی ہے۔

جموں: جموں خطہ کے کٹھوعہ ضلع کے لکھن پور میں کل رات ایک مسجد کی توڑ پھوڑ کا معاملہ سامنے آیا ہے۔ تفصیلات کے مطابق لکھن پور میں گولڈن گیٹ کے قریب واقع جامع مسجد کو رات گئے دو نامعلوم افراد نے توڑ پھوڑ کرکے نقصان پہنچایا۔ شرپسندوں کی یہ حرکت سی سی ٹی وی میں قید ہوگئی ہے۔جوں ہی یہ اطلاع پولیس کو ملی تو پولیس کی ایک ٹیم موقع پر پہنچ گئی۔پولس نے معاملے کی نسبت سے کیس درج کرکے تحقیقات شروع کی ہے۔وہیں پولیس نے علاقہ میں اہلکاوں کو تعینات کیا ہے تاکہ کوئی بھی ناخوشگوار واقعہ پیش نہ آئے۔

واضح رہے کہ امسال اگست میں ہوئے ہریانہ کے نوح علاقہ میں فرقہ وارانہ فساد کے دوران شرپسندوں نے گروگرام میں ایک مسجد میں آگ لگائی تھی۔ اس دوران شرپسندوں نے مسجد کے امام کو گولی مار کر ہلاک کیا تھا۔