جموں : گجر نگر کنٹینمینٹ زون میں شامل

خطے میں گزشتہ 24 گھنٹوں کے دوران 1365 افراد صحتیاب ہوئے ہیں، ان میں 797 کا تعلق جموں اور 568 کا تعلق کشمیر سے ہے۔

صوبہ جموں میں کورونا وائرس کیسز میں دن بہ دن اضافہ دیکھا جارہا ہے، کیسز میں مسلسل اضافہ کی وجہ سے ضلع انتظامیہ نے گجر نگر علاقے کو کنٹینمینٹ زون قرار دے دیا ہے۔

انتظامیہ نے علاقے کے ارد گرد تار بندی کر دی ہے، تاکہ لوگ اپنے گھروں سے تبھی نکلیں جب کوئی ضروری کام ہو۔

ہیلتھ بلیٹن کے مطابق جموں و کشمیر میں کورونا وبا سے اموات کی تعداد 1132 تک پہنچ چکی ہے، اس کے علاوہ خطے میں سرگرم کیسز کی تعداد 18199 ہے۔ ان افراد میں 689 کیسز جموں اور 452 کشمیر میں سامنے آئے ہیں۔ کل مثبت معاملوں میں 47 مسافر بھی شامل ہے۔

واضح رہے کہ تین ستمبر سے جموں و کشمیر میں ہر روز ایک ہزار سے زائد کیسز ریکارڈ کئے گئے ہیں۔

خطے میں گزشتہ 24 گھنٹوں کے دوران 1365 افراد صحتیاب ہوئے ہیں اور انہیں مختلف اسپتالوں سے رخصت کیا گیا ہے۔ ان میں 797 کا تعلق جموں اور 568 کا تعلق کشمیر سے ہے۔