One soldier killed: جموں میں انکاؤنٹر، ایک فوجی اور دو عسکریت پسند ہلاک، نو فوجی زخمی

جموں کے ضلع جلال آباد سنجوان علاقے میں عسکریت پسندوں اور سکیورٹی فورسز کے درمیان ہوئے تصادم میں ایک فوجی جوان کے ہلاک ہونے کی اطلاع ہے جب کہ اس انکاؤنٹر میں دو عسکریت پسند بھی ہلاک کردیا گیا ہے۔ خبر کے مطابق اس میں دیگر نو فوجی زخمی ہوگئے۔ One soldier killed

وزیر اعظم نریندر مودی کے جموں کے طے شدہ دورہ سے دو دن قبل جموں کے ضلع جلال آباد سنجوان علاقے میں عسکریت پسندوں اور سیکورٹی فورسز کے درمیان ہوئے تصادم میں ایک ایس پی پاٹل نامی سب انسپکٹر کے ہلاک ہونے کی اطلاع ہے، اس انکاؤنٹر میں دو عسکریت پسند بھی ہلاک کردیے گئے ہیں۔ جب کہ اس انکاؤنٹر میں نو دیگر زخمی ہوگئے۔ One soldier killed

حملہ کے بعد سنجوان قرب و جوار کے اسکولز کو بند کرنے کی ہدایت دی گئی ہے اور انٹر نیٹ خدمات کو معطل کردیا گیا ہے۔

ایک سینیئر پولیس افسر نے ای ٹی وی بھارت کو بتایا کہ "اس وقت فائرنگ جاری ہے اور غالباً دو غیر مقامی عسکریت پسند پھنسے ہوئے ہیں۔ قبل ازیں ابتدائی فائرنگ کے تبادلے میں ایک پولیس اہلکار معمولی طور پر زخمی ہوا جو بعد ازاں جانبر نہ ہوسکا۔"

اس سے قبل سنجوان کے علاقے میں سکیورٹی فورسز کی مشترکہ ٹیم کو ایک خاص اطلاع ملنے پر آپریشن شروع کیا گیا تھا۔

واضح رہے کہ سنجوان ملٹری اسٹیشن جموں پر فروری 2018 میں جیش محمد (JeM) کے تین عسکریت پسندوں نے حملہ کیا تھا۔ حملے کے دوران چھ فوجی اور ایک شہری ہلاک ہوئے تھے۔