جموں و کشمیر میں گیارہویں جماعت کے امتحانات ملتوی

جموں کشمیر حکومت نے کورونا کے بڑھتے خطرات کے پیش نظر بورڈ آف اسکول ایجو کیشن کی جانب سے ہونے والے گیارہویں جماعت کے امتحانات کو ملتوی کر دیا گیا۔

جموں کشمیر حکومت نے سنیچر کو بورڈ آف اسکول ایجو کیشن کی جانب سے منعقد کیے جانے والے گیارہویں جماعت کے طے شدہ امتحانات ملتوی کر دیے ہیں۔

لیفٹیننٹ گورنر منوج سنہا کے ایک ٹویٹ کے مطابق یہ فیصلہ کورونا وائرس سے پیدا صورتحال کے نتیجے میں لیا گیا ہے۔

حکومت نے سبھی قسم کی تقریبات میں شامل ہونے کے لیے 200 کے بجائے 100 افراد کی حد بھی مقرر کی ہے۔

منوج سنہا کا ٹویٹ

واضح رہے کہ جموں کشمیر میں کورونا وائرس کا انفیکشن انتہائی تیزی کے ساتھ بڑھ رہا ہے جس سے ہر خاص و عام میں تشویش پائی جارہی ہے۔ گذشتہ 24 گھنٹے کے دوران کورونا کے 1144 نئے کیسز سامنے آئے ہیں، جن میں سے 414 کا تعلق جموں خطے سے ہے جبکہ 730 کا تعلق کشمیر وادی سے اس کے علاوہ 2 افراد کی موت ہوئی تھی۔