ای ٹی وی بھارت سے خصوصی گفتگو میں اعجاز احمد خان نے کہا کہ' جموں و کشمیر کے ملازمین نے اپنی جانیں جوکھم میں ڈال کر ہمیشہ اپنے فرائض کو پورا کیا ہے۔ جبکہ حکومت ملازمین کو 326 کے حکم نامہ کے تحت تنگ کر رہی ہے، جو کہ سراسر ملازمین کے ساتھ نا انصافی ہے۔ انہوں نے کہا کہ 'حکومت کو چاہیے کہ وہ ٹریڈ یونین و دیگر ملازمین کی انجمنوں کے ساتھ مل بیٹھ کر بات کرے۔
واضح رہے کہ 'جموں و کشمیر انتظامیہ نے مختلف سرکاری محکموں کے سربراہاں کو ان تمام ملازمین کی تفیصلات فراہم کرانے کی ہدایت دی ہے، جن کی عمر 48 برس ہے یا جنہوں نے 22 برس کی ملازمت مکمل کر لی ہے۔
مزید پڑھیں:جموں و کشمیر میں کورونا کے 84 نئے کیسز درج
جموں و کشمیر کے لیفٹینٹ گورنر منوج سنہا کی سربراہی والی انتظامیہ نے گذشتہ برس 22 اکتوبر کو ایس او 324 کے تحت ایک حکم نامہ جاری کیا تھا جس میں واضح کیا گیا تھا کہ ان ملازمین کو سبکدوش کیا جائے گا جن کی کارکردگی تسلی بخش نہیں۔