سو کروڑ افراد کو ویکسین کی خوراک دینا بڑی کامیابی: رویندر رینہ

رویندر رینہ نے بی جے پی حکومت کے علاوہ ڈاکٹروں، نیم طبی عملہ، آشا ورکرس، پولیس عملہ سمیت انتظامیہ کے ان افراد کی ستائش کی جنہوں نے رات دن محنت کرکے لوگوں کو کورونا مخالف ویکسین کی خوراک فراہم کی۔

بھارتیہ جنتا پارٹی (بی جے پی) جموں وکشمیر کے صدر رویندر رینہ نے جموں میں پریس کانفرنس کے دوران 100کروڑ افراد کو کورونا مخالف ویکسین کی خوراک دینے پر مرکزی حکومت کی ستائش کی۔

رویندر رینہ نے ملک بھر میں 100کروڑ افراد کو کووڈ ویکسین کی خوراک فراہم کرنے کے عمل کو تاریخی اور اہم سنگ میل قرار دیتے ہوئے کہا ’’یہ وزیر اعظم نریندر مودی کی ذاتی کوششوں اور کورونا واریئرس کی قربانیوں کے نتیجے میں ممکن ہو سکا۔‘‘

انہوں نے بی جے پی حکومت کے علاوہ ڈاکٹروں، نیم طبی عملہ، آشا ورکرس، پولیس عملہ سمیت انتظامیہ کے ان افراد کی بھی ستائش کی جنہوں نے رات دن محنت کرکے لوگوں کو کورونا وائرس کی خوراک فراہم کی۔

رینہ نے مزید کہا کہ 100کروڑ افراد کو کورونا مخالف ویکسین فراہم کیے جانے پر عالمی سطح پر ہندوستان خصوصا وزیر اعظم کی کورونا مخالف حکمت عملی کی ستائش کی جا رہی ہے۔