لیفٹیننٹ گورنر کے مشیر بصیر احمد خان نے جموں و کشمیر اسٹیٹ پاور ڈیولپمنٹ کارپوریشن لمیٹیڈ کے 77 ویں بورڈ آف ڈائریکٹرز کے اجلاس کی صدارت سول سیکریٹریٹ سری نگر میں کی۔
اجلاس میں جے کے ایس پی ڈی سی کے منیجنگ ڈائریکٹر کی تقرری، بی ایچ ای پی کی بجلی کی فروخت، جے کے ایس پی ڈی سی اور این ایچ پی سی لمیٹیڈ کے مابین مشترکہ وینچر کمپنی کے ذریعہ 850 میگاواٹ کے رٹل ایچ ای پی کے نفاذ، گیس ٹربائن اسٹیج II کے دستیاب مقام پر شمسی توانائی سے پلانٹ کی ترقی کے موضوع پر تبادلہ خیال کیا گیا۔
اجلاس میں فنانس کمشنر محکمہ خزانہ، ارون کمار مہتا، پرنسپل سکریٹری، پی ڈی ڈی، روہت کنسل، منیجنگ ڈائریکٹر، جے کے ایس پی ڈی سی، راجہ یعقوب فاروق، ڈائریکٹر فنانس، جے کے ایس پی ڈی سی، محمد سلطان ملک اور ڈائریکٹر (ایچ پی پی اینڈ آئی)، سینٹرل پاور اتھارٹی نے ورچول موڈ کے ذریعے اجلاس میں شرکت کی۔
اجلاس کے دوران مختلف منصوبوں کی صورتحال اور مالی استحکام پر تبادلہ خیال کیا گیا اور بتایا گیا کہ مقررہ وقت پر منصوبوں کو مکمل کرنے کے لئے کام کی پیشرفت کو تیز کیا جائے گا تاکہ لوگوں اور دیگر صارف یونٹوں کو بجلی فراہم کی جائے۔