جموں:اس بارجموں خطہ کے پانچ کھلاڑی آئی پی ایل 2023 میں شرکت کرنے والے ہیں، جب کہ کشمیر کے تمام کھلاڑی نیلامی میں فروخت نہیں ہوئے۔جن کھلاڑیوں کو جمعہ کو کوچی میں نیلامی میں خریدا گیا ان میں ویورانت شرما شامل ہیں جنہیں سن رائزرز حیدرآباد نے 2.6 کروڑ روپے میں خریدا ہے۔ وہیں اویناش سنگھ کو رائل چیلنجرز بنگلور (آر سی بی) نے 60 لاکھ روپے میں جبکہ یودویر سنگھ کو لکھنؤ سپر گینٹس نے بنیادی قیمت یعنی 20 لاکھ روپے پر خریدا ہے ،جبکہ عمران ملک اور عبدالصمد کو سن رائزرز حیدرآباد نے برقرار رکھا تھا۔Five Jammu Province Players Players Play in IPL2023
آئی پی ایل 2023 کی نیلامی میں جموں و کشمیر کے کھلاڑی:
واضح رہے کہ اس بار جموں و کشمیر کے 21 کرکٹرز کو انڈین پریمیئر لیگ 2023 پلیئر آکشن میں شامل کیا گیا تھا، تاہم اس بار کی منی نیلامی میں کشمیر صوبہ کے کسی بھی کھلاڑی کو جگہ نہیں ملی۔جن کھلاڑیوں کو اس بار کی نیلامی میں جگہ ملی تھیں، ان میں شبھم کھجوریا، ویورنت شرما، مجتبیٰ یوسف، عابد مشتاق، یودھویر چرک، باسط بشیر، راسخ ڈار، وسیم کھانڈے، اویناش سنگھ، امان شرما، فاضل مکایا، عطیف سینی، شاہ رخ ڈار، لون مظفر، عاقب ڈار، اسد جمیل احمد، آشیش بھٹ، گورو کول، راجیو سنگھ، محمد۔ وسیم، سمپرک گپتا شامل تھیں۔J&K players in the IPL 2023 auction
اویناش سنگھ کو آئی ہی ایل کی منی نیلامی میں آر سی بی بنگلور نے 60 لاکھ میں خریدا ہے۔ اویناش سنگھ جموں سے تعلق رکھنے والے 24 سالہ فاسٹ باؤلر ہیں اور انہوں نے کسی بھی سطح کی ڈومیسٹک کرکٹ نہیں کھیلی ہے، لیکن کہا جا رہا ہے کہ وہ عمران ملک کی لیگ کا بولر ہے۔ اویناش نے ٹرائلز میں گیند کی رفتار سے فرنچائز کو متاثر کیا ہے، جس کی وجہ سے وہ اس آئی پی ایل 2023 میں جگہ بنانے میں کامیاب ہوئے۔ Avinash Singh selected For IPL2023