Amarnath Yatra Resume: جموں بیس کیمپ سے یاتریوں کا قافلہ سرینگر کے لیے روانہ

گزشتہ دو دنوں سے بند رہنے والی امرناتھ یاترا بحال کر دی گئی ہے۔ جموں کے بیس کیمپ بھگوتی نگر سے آج یاتریوں کا ایک قافلہ سرینگر کے لیے روانہ ہوا۔ Amarnath Yatra Resume

جموں:بالتل بیس کیمپ میں بادل پھٹنے کی وجہ سے دو دن تک معطل رہنے کے بعد آج امرناتھ یاترا دوبارہ شروع ہو گئی ہے۔ یاد رہے کہ بادل پھٹنے کے واقعہ میں 17 یاتری ہلاک اور متعدد زخمی ہوگئے ہیں۔ جموں کے بیس کیمپ بھگوتی نگر سے آج یاتریوں کا ایک قافلہ سرینگر کے لیے روانہ ہوا جبکہ یاتریوں کے ایک گروپ کو آج صبح پہلگام کے ننون بیس کیمپ سے امرناتھ گُپھا کی طرف جانے کی اجازت دی گئی ہے۔ Amarnath Yatra resumed after Two days

بارش کی وجہ سے تھوڑی تاخیر سے یاترا صبح 8 بجے کے قریب دوبارہ شروع ہوئی۔ بتادیں کہ جمعہ کو بالتال بیس کیمپ میں بادل پھٹنے کے فوراً بعد یاترا کو معطل کر دیا گیا تھا، جس میں کم از کم 17 افراد کی موت ہو گئی تھی، جبکہ درجنوں زخمی ہوئے تھے اور تقریباً 37 افراد ابھی بھی لاپتہ ہیں۔