جموں: جموں صوبے میں ڈینگی سے متاثرین کی تعداد میں مسلسل اضافہ ہو رہا ہے۔ گزشتہ 24 گھنٹوں کے دوران ڈینگی سے مزید 50 افراد متاثر ہوئے ہیں جن میں 5 بچے بھی شامل ہیں۔ ایسے میں اب صوبے میں متاثرین کی مجموعی تعداد 7 ہزار سے زائد جا پہنچی ہے جبکہ مرنے والوں کی تعداد 18 ہے۔ 50 More Affected by Dengue in Jammu
صوبے کے نوڈل افسر کے مطابق گزشتہ 24 گھنٹوں کے دوران 194 ٹیسٹ کئے گئے جن میں 5 بچوں سمیت 50 افراد میں ڈینگی کی تصدیق ہوئی ہے۔ متاثرین میں 26 مرد اور 24خواتین شامل ہیں۔ اعداد و شمار کے مطابق 50متاثرین میں 38 کا تعلق جموں ضلع سے ہے،3 ادھمپور، سانبہ ضلع کا ایک، کھٹوعہ کے 5،جبکہ ریاسی کے 2 اور پونچھ کا ایک شخص ڈینگی سے متاثر ہیں۔ Dengue Rises in Jammu