پلوامہ: نا معلوم بندوق برداروں کا حملہ، ایک نوجوان ہلاک

ریاست جموں و کشمیر کے جنوبی ضلع پلوامہ کے ترال میں پیر کی شام نا معلوم بندوق برداروں نے ایک مقامی نوجوان کو گولی مار کر ہلاک کر دیا۔

تفصیلات کے مطابق بندوق برداروں نے ریشی پورہ ترال میں محسن وانی نامی نوجوان کو اس کے گھر میں گھس کر گولیاں ماریں، جس سے وہ شدید زخمی ہوگیا۔

گرچہ اسے ہسپتال لیجایا گیا تاہم زخموں کا تاب نہ لا کر اس نے راستے میں ہی دم توڑ دیا۔

پولیس اس ضمن میں ضروری قانونی لوازمات پورا کر رہی ہے۔ اس واقعہ سے گاوں ۔میں خوف کا ماحول ہے۔

واضح رہے کہ گذشتہ ایک ہفتہ کے دوران پکوامہ ضلع میں بندوق برداروں کی جانب سے تین افراد کو ہلاک کیا گیا ہے۔