House Gutted In Poonch پونچھ میں آتشزدگی، مکان جل کرراکھ ،نوجوان زخمی

ضلع پونچھ کی تحصیل منڈی کے علاقہ براچھڑ میں اللصبح شارٹ سرکٹ کا واقعہ پیش آیا جس میں ایک نوجوان شدید طور پر زخمی ہوگیا۔ آتشزدگی کے سبب رہائشی مکان کو جزوی طور پر پہنچا نقصان ہے۔ اس واقعے میں بجلی کے جھٹکا لگنے سے بھینس کی موت ہوگئی۔

پونچھ:مرکز کے زیر اہتمام یو ٹی جموں و کشمیر کے ضلع پونچھ کی تحصیل منڈی کے علاقہ براچھڑ میں اللصبح شارٹ سرکٹ کا واقعہ پیش آیا جس میں ایک نوجوان شدید طور پر زخمی ہوگیا ۔ آتشزدگی کے سبب رہائشی مکان کو جزوی طور پر پہنچا نقصان ہے۔اس واقعے میں بجلی کے جھٹکا لگنے سے بھینس کی موت ہوگئی۔

اس واقعے کے بعد علاقے میں سنسنی پھیل گئی ۔زخمی نوجوان کی شناخت وسیم اکرم ولد منظور حسین عمر قریب 29 سال ساکنہ براچھڑ کے بطور ہوئی ہے۔ زخمی نوجوان کو مقامی لوگوں کی مدد سے سب ضلع ہسپتال منڈی لایا گیا جہاں ابتدائی علاج کے بعد اسے ضلع ہسپتال پونچھ منتقل کردیا گیا۔

اس کے واقعے کو لے کر مقامی باشندوں نے سخت برہمی کا اظہار کیا۔انہوں نے کہا کہ شارٹ سرکٹ کی وجہ سے وسیم نامی نوجوان زخمی ہو گیا ہے۔ ایک بھینس بھی ہلاک ہوچکی ہے ۔ آتشزدگی کے سبب ایک رہاشی مکان کو بھی نقصان پہنچا ہے۔ مقامی لوگوں کی مدد سے وقت رہتے آگ پر قابو پا لیا گیا۔

ان کا کہنا تھا کہ علاقہ میں بجلی کی ترسیلی لائنیوں کا نظام خستہ حال ہے۔ اس کی وجہ سے یہ واقعہ پیش آیا ہے۔ مقامی لوگوں کے مطابق علاقہ میں لگائی گئی بجلی کی لائینیں بہت پرانی ہو چکی ہیں۔محکمہ بجلی کی جانب سے مرمت بھی نہیں کی جاتی ہے۔

انہوں نے بتایا کہ بجلی کی تاریں جگہ جگہ پیڑوں کے ساتھ باندھیں ہوئی ہیں۔ جس کی وجہ سے پورے علاقہ کو خطرہ لاحق ہے۔آج بھی بہت بڑا حادثہ پیش آسکتا تھا۔ لیکن غنیمت رہی کہ وقت رہتے بجلی کی سپلائی روک دی گئی۔مقامی باشندوں نے بجلی کی ترسیلی لائنیوں کی مرمت کا مطالبہ کیا۔