' کمسن بچی کو جلد انصاف دلایا جائے '

ریاست جموں و کشمیر کے ضلع اننت ناگ میں گورنمنٹ ڈگری کالج فار وومن کی طالبات نے ضلع بانڈی کے سمبل میں تین سالہ کمسن بچی کے ساتھ پیش آئے جنسی زیادتی کے واقعے کے خلاف احتجاج کیا ۔

اننت ناگ کے کے پی روڈ پر قائم گورنمنٹ ڈگری کالج فار وومن کی طالبات کالج کے باہر جمع ہوئیں اور سمبل واقعے کے خلاف زبردست مظاہرہ کرتے ہوئے ایک احتجاجی ریلی نکالی۔

احتجاجی تین سالہ کمسن بچی کی عصمت دری میں ملوث شخص کے خلاف سخت کارروائی کرنے اور کمسن بچی کو جلد سے جلد انصاف فراہم کرنے کی مانگ کو لے کے نعرے بلند کر رہے تھے۔

ای ٹی وی بھارت سے بات کرتے ہوئے احتجاجیوں نے کہا کہ اس طرح کے واقعات رونما ہونے کے بعد وہ خود کو غیر محفوظ سمجھ رہی ہیں۔

انہوں نے ملوث شخص کو ہنگامی بنیاد پر سخت سے سخت سزا دینے کی مانگ کی تاکہ دوبارہ ایسے واقعات رونما نہ ہو۔