اننت ناگ میں خاتون کی خودکشی

جنوبی کشمیر کے ضلع اننت ناگ کے تھجی وارہ اچھہ بل علاقے میں 35 برس کی خاتون جس کا نام مخفی رکھا گیا ہے، نے زہر کھا کر خود کشی کی ہے۔

اطلاعات کے مطابق خاتون کو نازک حالت میں سب ضلع اسپتال منتقل کیا جا رہا تھا۔ تاہم مذکورہ خاتون نے راستے میں ہی دم توڑ دیا۔

پولیس نے اس معاملے میں مقدمہ درج کرکے جانچ شروع کی ہے اور خاتون کی خودکشی کی وجہ کا پتہ لگایا جا رہا ہے۔

تاہم خدشہ ظاہر کیا جا رہا ہے کہ خاتون کو اپنے شوہر کے ساتھ کسی بات پر جھگڑا ہوا تھا جس کے بعد اس نے خود کشی کر لی۔ مذکورہ خاتون ایک بچے کی ماں ہے۔