اطلاعات کے مطابق اس دوران نزدیکی علاقے کھار پورہ میں عسکریت پسندوں اور سکیورٹی فورسز کے درمیان تصادم شروع ہوا جس میں دو عسکریت پسند ہلاک ہوگئے۔
ذرائع کے مطابق تصادم میں دو عسکریت پسند ہلاک ہوئے ہیں۔ وہیں اغوا شُدہ پولیس اہلکار کو بھی بچا لیا گیا ہے۔ تصادم میں ایک پولیس اہکار کے زخمی ہونے کی اطلاع بھی اطلاع ہے۔
علاقے میں تصادم اُس وقت ہوا جب وہاں رہنے والے پولیس اہلکار سرتاج احمد ایتو جو بحیثیت پولیس کانسٹیبل کام کر رہے ہیں، کو نامعلوم بندوق برداروں نے اغوا کیا جس کے بعد سکیورٹی فورسز نے پورے علاقے کو محاصرے میں لے لیا اور تلاشی مہم شروع کر دی۔
تلاشی کارروائی کے دوران عسکریت پسندون نے سکیورٹی فورسز پر فائرنگ کی جس کے بعد دوطرفہ گولیوں کا تبادلہ شروع ہوگیا۔
آخری اطلاع ملنے تک علاقے میں تصادم جاری ہے۔