بڈگام: عسکریت پسندوں کے تین معاون گرفتار

وسطی کشمیر کے ضلع بڈگام میں پولیس نے شدت پسند تنظیم جیش محمد کے تین معاون کو گرفتار کرنے کا دعوی کیا ہے۔

پولیس کے بیان کے مطابق' بڈگام کے چاڈورہ علاقے سےعسکریت پسندوں کے تین معاون کو گرفتار کیا گیا اور ان کے خلاف مقدمہ درج کیا گیا۔'

پولیس نے گرفتار شدہ افراد کی شناخت دلاور صوفی، سمیر یوسف کے بطور کی ہے، تاہم پولیس نے گرفتار شدہ تیسرے شخص کی شناخت مخفی رکھی ہے۔

پولیس کا کہنا ہے کہ' یہ تینوں افراد بڈگام علاقے میں گزشتہ چند ماہ سے غیر قانونی سرگرمیوں میں متحرک تھے اور تفتیش کے دوران ان کے قبضے سے اسلحہ بھی برآمد کئے گئے۔