گاندربل میں تین مزدور زخمی

وادی کشمیر کے وسطی ضلع گاندربل کے آرہما علاقے میں تین مزدور زخمی ہوگئے ہیں۔

اطلاعات کے مطابق ارہما سے کنگم کو جانے والے روڈ پر کام کر رہے تین مزدور اس وقت زخمی ہوگئے جب ایک رولر کا بریک فیل ہوگیا اور وہ ڈرائیور کے قابو سے باہر ہو گیا۔

عین شاہدین کے مطابق تین مزدوروں کو رولر نے کچل ڈالا جنہیں علاج کے لیے گاندربل اسپتال منتقل کیا گیا جہاں سے دو کو سرینگر منتقل کیا گیا ہے۔

زخمی مزدوروں کی شناخت مداسر ساکنہ صدرکوٹ بالا، امتیاز ساکنہ بانڈی پورہ جنہیں سرینگر منتقل کیا گیا ہے اور تیسرے مزدور کا گاندربل اسپتال میں ہی علاج کیا گیا ہے۔

پولیس بھی جائے واقعہ پر پہنچ گئی اور مزید تحقیقات جاری ہے۔