طلبا کو شدید مشکلات کا سامنا

جموں و کشمیر کے ضلع رامبن کے گورنمنٹ ڈگری کالج گول کی عمارت گذشتہ 6 برسوں سے پائے تکمیل کے لیے ترس رہی ہے جس کی وجہ سے کالج میں زیر تعلیم طلباء آئی ٹی آئی کے دو کمروں میں اپنی تعلیم حاصل کرنے پر مجبور ہیں۔

ای ٹی وی بھارت کے نمائندے کے مطابق بلڈنگ پانچ برسوں سے سست روی سے تعمیر ہو رہی ہے جس کی وجہ سے طلبا کو مشکلات سے دوچار ہے۔

مقامی لوگوں کے مطابق گذشتہ تین برسوں سے عمارت کا کام ٹھپ پڑا ہے جس کی وجہ سے سیکڑوں طلبہ و طالبات آئی ٹی آئی کی عمارت کے دو کمروں میں اپنی تعلیم حاصل کر نے پر مجبور ہیں۔

کالج میں۔زیرتعلیم بچوں کا کہنا ہے کہ انہیں جگہ کی شدید قلت ہے جہاں پر باقی فرنیچر بھی ہے اور اسٹور بھی اسی کمروے میں ہے۔

طلبا کا کہنا ہے کہ کولج میں بیت الخلاء کا کوئی انتظام نہیں ہے۔

طلبہ سمیت والدین نے گورنر انتظامیہ سے اپیل کی کہ ان سب مشکلات کا حل جلداز جلد کیا جائے ۔

وہیں کالج انتظامیہ کا کہنا ہے کہ عمارت تعمیر کرنے کی رقم 90فیصد اداکی گئی لیکن اس کے باوجود تعمیری کام مکمل نہیں کیا گیا جس کی وجہ سے بچوں کے ساتھ ساتھ عملہ کوبھی کافی پریشانیوں کاسامنا کرنا پڑ رہا ہے۔