'سری نگر کی خوبصورتی ماند پڑتی جارہی ہے'

ریاست جموں و کشمیر کا دارالحکومت سرینگر اپنی خوبصورتی کے لیے جانا جاتا ہے لیکن گذشتہ چند دہائیوں سے نئی تعمیرات اور تعمیراتی قانون کی بالادستی نہ ہونے کی وجہ سے شہر کی رونق روز بہ روز ختم ہوتی جا رہی ہے۔

ای ٹی وی بھارت سے خصوصی گفتگو کے دوران امریکہ کی بوسٹن یونیورسٹی میں شعبہ لینڈاسکیپ اور شہری منصوبہ بندی کے پروفیسر زین ہنریٹس نے کہا کہ وہ گذشتہ ایک دہائی سے سرینگر کے دورے پر آ رہے ہیں اور شہر کے ہر تاریخی اور سیاحتی مقام سے واقفیت رکھتے ہیں۔

انہوں نے کہا کہ شہر سرینگر میں بے تحاشہ تعمیراتی کام کیے جا رہے ہیں جس سے شہر کی خوبصورتی اور تاریخی حیثیت ختم ہوتی جا رہی ہے اور حکومت شہری منصوبہ بندی پر زیادہ توجہ نہیں دے رہی ہے اور اگر منصوبہ ہے بھی تو اس پر عوام یا حکومت کی طرف سے عمل آوری نہیں کی جارہی ہے۔

پروفیسر زین ہنریٹس نے مزید کہا کہ بحیثیت ایک ماہر ان کا ریاستی حکومت کو مشورہ ہے کہ وہ شہری منصوبہ بندی پر زیادہ توجہ دے اور پوری منصوبہ بندی کے ساتھ شہر کی تعمیر کرے۔

انہوں کہا کہ منصوبوں کو عمل میں لانا ضروری ہوگا جو موجودہ وقت میں ریاستی حکومت نہیں کر رہی ہے۔