سابق پی ڈی پی ضلعی صدر کولگام سے خاص بات چیت

پیپلز ڈیموکریٹک پارٹی کے ضلعی صدر کولگام شیراز احمد بٹ نے پی ڈی پی سے کنارہ کشی اختیار کی اور پی ڈی پی سے استعفیٰ دینے کے بعد بطور آزاد امیدوار ڈسٹرکٹ ڈیولپمنٹ کونسل کے انتخابات میں حصہ لیا۔

بیس برس بعد پی ڈی پی سے استعفیٰ دینے کی وجوہات بیان کرتے ہوئے سابق پی ڈی پی رہنما شیراز احمد بٹ نے ای ٹی وی بھارت کے ساتھ بات کرتے ہوئے کہا کہ انہوں نے پی ڈی کی علاوہ ہائی کمان سے اپیل کی کہ انہیں ڈسٹرکٹ ڈیولپمنٹ کونسل کے انتخابات میں پی ڈی پی کی ٹکٹ دی جائے، تاہم پی ڈی پی نے ان کی مانگ پوری نہیں کی جس کے بعد انہوں نے بطور آزاد امیدوار ڈسٹرکٹ ڈیولپمنٹ کے انتخابات میں حصہ لیا اور پی ڈی پی سے کنارہ کشی اختیار کی۔

انہوں نے کہا کہ جموں و کشمیر میں جتنی بھی سیاسی جماعتوں کا وجود عمل میں آیا، وہ مرکزی سرکار کی مدد سے وجود میں آیا ہے۔

انہوں نے مزید کہا کہ جموں و کشمیر میں سیاسی جماعتوں کا وجود میں آنا عوام کے مفاد میں ہیں۔ وہیں انہوں نے گورنر انتظامیہ سے اپیل کی کہ ضلع کولگام کے یاری پورہ علاقے کی طرف دھیان دیا جائے تاکہ علاقہ کے مسائل حل ہوں۔