محکمہ موسمیات نے میدانی علاقوں میں بارش اور پہاڑی علاقوں میں برفباری کا امکان ظاہر کیا تھا۔ اطلاعات کے مطابق وادی کے مختلف بالائی علاقوں میں ایک فٹ تازہ برف جمع ہوگئی ہے جبکہ میدانی علاقوں میں بارش کا سلسلہ جاری ہے۔
جنوبی کشمیر کے ضلع شوپیان کے پہاڑی علاقوں میں بھی وقفہ وقفہ سے برفباری کا سلسلہ جاری ہے۔ شوپیان کے میدانی علاقوں میں بارش کا سلسلہ جاری ہے۔
جبکہ بالائی علاقوں جن میں ہیرپورہ، سیدو، بوہری ہالن،کیلر،چھوٹی پورہ شامل ہے میں قریب ایک فٹ تازہ برف جمع ہوگئی ہے اسی طرح تاریخی مغل روڈ جو برفباری کی وجہ سے آمد رفت کے لئے بند ہے پر پیر کی گلی پر تازہ ڈھائی فیٹ برف جمع ہوگئی اور دبجن میں ڈیڑھ فیٹ تازہ برف جمع ہوگئی۔
