وادی کشمیر اپنی خوبصورتی کی وجہ سے پوری دنیا میں مشہور ہے اور برفباری اس کی خوبصورتی میں چار چاند لگا دیتے ہیں۔
تاہم برفباری کے موسم میں وادی کشمیر کے مقامی لوگ مشکلات میں مبتلا ہو جاتے ہیں۔
وادی کشمیر کے لوگوں کو بنیادی مسائل سے دوچار ہونا پڑتا ہے جس میں پانی، بجلی اور سڑک کے مسائل قابل ذکر ہیں۔
عرصۂ دراز سے وہاں کے مقامی باشندے انظامیہ سے ان بنیادی مسائل کو حل کرنے کا مطالبہ کرتے آرہے ہیں۔ تاہم ابھی تک انتظامیہ کے کانوں پر جوں تک نہیں رینگ رہی ہے۔
اس سلسلے میں ای ٹی وی بھارت کے ساتھ مقامی باشندے غلام نبی نے بات کی اور بتایا کہ برفباری ہمارے باغات کے لیے مفید ہے۔ تاہم یہاں کے مقامی لوگ بنیادی سہولیات سے دوچار ہیں۔
انہوں نے اپنی پریشانیوں کا ذکر کرتے ہوئے کہا کہ 'ہمارے علاقہ میں گزشتہ تین دنوں سے بجلی اور پانی کی سپلائی نہیں ہے جس کی وجہ سے ہمیں کافی دقتوں کا سامنا کرنا پڑتا ہے۔'
ای ٹی وی بھارت کے نمائندے نے اس مسئلے کو آر اینڈ بی کے افسر کے سامنے رکھا تو انہوں نے کہا کہ جب تک برفباری نہیں رک جاتی ہے تب تک کچھ بھی نہیں کیا جا سکے گا۔'