پولیس کے مطابق قومی شاہراہ پر رامبن کے میٹاڈور گاڑی نمبر جے کے19-871 بانہال سے رامبن کی طرف آرہی تھی تب ہی کیلا موڑ کے مقام پر ایک ٹرک نمبر جے کے02ڈی ٹی-1965 نے اسے ٹکر ماردی
اس حادثے میں ایک خاتون سمیت چھ مسافر زخمی ہو گئے حادثہ کی خبر ملتے ہی پولیس اور مقامی رضاکاروں نے راحت کاری مہم شروع کر کے زخمیوں کو ضلع ہسپتال رامبن منتقل کیا جہاں تین زخمیوں کو ابتدائی طبی امداد کے بعد رخصت کر دیا۔
جبکہ دیگر تین زخمی جانہ بیگم (50)ساکن تتا پانی سنگلدان، مشتاق احمد (40) بانہال رامبن اور محمد وسیم (20) ضلع رامبن ہسپتال میں زیر علاج ہے۔
حادثہ میں ایک خاتون سمیت چھ مسافر زخمی
بس میں سوار ایک مسافر نے کہا ٹرک ڈرائیور فون پر بات کرتے ہوئے گاڑی چلا رہا تھا اور اس اسی کی لاپروائی کے سبب میٹاڈور بس کی ٹرک سے ٹکر ہوگئی اور چھ افراد زخمی ہوگئے۔
فی الحال پولیس نے اس معاملے میں کیس درج کرکے تحقیقات شروع کر دی ہے۔
