SIA Team Raid In Jammu جموں میں ایس آئی اے کی چھاپہ ماری

ضلع جموں کے سنجوان علاقے میں ریاستی تحقیقاتی ایجنسی (ایس آئی اے) نے مبینہ طور پر عسکریت پسندوں کے ایک سابق معاون کے گھر پر چھاپہ ماری مہم چلائی۔ ایس آئی اے کی چھاپہ ماری مہم کے دوران گھر سے موبائل فون اور سیم کارڈ ضبط کئے گئے۔

جموں: مرکز کے زیر انتظام جموں و کشمیر کے ضلع جموں کے سنجوان علاقے میں ریاستی تحقیقاتی ایجنسی(ایس آئی اے) نے مبینہ طور پر عسکریت پسندوں کے ایک سابق معاون کے گھر پر چھاپہ مارا ہے ۔ ایس آئی اے کی چھاپہ ماری کے دوران گھر سے موبائل فون اور سیم کارڈ ضبط کئے گئے۔

ذرائع نے بتایا کہ جموں و کشمیر پولیس کی انسداد عسکریت پسندی شاخ ایس آئی اے کی ایک ٹیم نے منگل کی علی الصبح سنجوان کے پیر باغ علاقے میں ایک پاشندے کے گھر کی تلاشی لی۔ اس دوران ٹیم نے تفتیش کے لیے ایک موبائل فون اور دو سیم کارڈ قبضے میں لے لیے ہیں۔

مبینہ طور پر وہ شخص پہلے عسکریت پسندوں کا سہولت کار رہ چکا ہے۔ وہ اصل میں ضلع ریاسی کی تحصیل مہور کے گاؤں کھور کا رہنے والا ہے۔ حکام کا کہنا ہے کہ چھاپہ اس شبہ میں مارا گیا کہ اس کے اب بھی عسکریت پسندوں سے روابط ہیں۔

تاہم ابھی تک پولیس ترجمان کی طرف سے حتمی بیان اس ضمن میں سامنے نہیں آیا ہے۔ پولیس کا کہنا ہے کہ پورے معاملے کی تفتیش کی جا رہی ہے۔ اس معاملے میں فی الحال واضح طور پر کچھ بھی کہا نہیں جا سکتا ہے۔