کولگام میں دوسرے روز بھی ہڑتال جاری

جنوبی کشمیر کے ضلع شوپیاں کے ہند سٹی پورہ علاقے میں دو عسکریت پسند فورسز کے ساتھ ایک معرکے میں ہلاک ہوئے تھے۔

ہلاکتوں کے مد نظر ضلع کولگام اور شوپیان میں ہڑتال کا سلسلہ جاری ہے۔

ضلع کولگام سے تعلق رکھنے والے دو مقامی عسکری پسندوں کے مارے جانے کی خبر پھیلتے ہی شوپیاں اور کولگام میں مکمل ہڑتال رہی۔

کولگام میں آج دوسرے روز بھی ہڑتال کا سلسلہ جاری رہنے کے باعث معمول کی زندگی ٹھپ ہوکر رہ گئی۔ علاقے میں تمام دکانیں اور دیگر کاروباری ادارے بند اور ٹرانسپورٹ معطل رہا۔

جبکہ ضلع انتظامیہ نے دونوں اضلاع میں موبائل انٹرنیٹ خدمات بھی معطل کی ہیں۔