میوہ باغات کو شدید نقصان

وادی میں بے وقت کی تباہ کن برف باری سے معمول کی زندگی درہم برہم ہوکر رہ گئی وہیں ضلع بارہمولہ کے سوپور قصبہ کے گرد و نواح علاقوں میں میوہ باغات کو شدید نقصان پہنچا۔

سوپور اور اس کے گرد نواح علاقوں میں جگہ جگہ درخت جڑوں سے اکھڑ گئے اور باغات کو کافی زیادہ نقصان ہوا۔

ای ڈی وی بھارت کے ساتھ بات کرتے ہوئے مقامی فروٹ گروورس کا کہنا ہے کہ اس بے وقت کی برف باری سے ہمارے باغوں کو شدید نقصان ہوا جس سے ہمارے روز گار پر برا اثر پڑا۔

اس سلسلے میں جب ای ڈی وی بھارت کے نمائندے نے چیف ہارٹیکلچر افسر بارہمولہ ظہور احمد بٹ سے بات کی تو انہوں نے کہا کہ ہم نے ضلع بارہمولہ اور سوپور کا دورہ کرکے سو فیصدی نقصان پایا۔

انہوں نے مزید کہا کہ 'اس تباہ کن اور بے وقت کی برف باری سے ضلع بارہمولہ کو چار سو سنتیس کروڑ کا نقصان ہوا ہے۔