افسران کے خلاف جرمانے کی کارروائی

ریاست جموں و کشمیر کے دارالحکومت سرینگر میں سڑکوں کی خراب صورتحال کے پیش نظر شہر کے ڈپٹی کمشنر نے آج ذمہ دار افسران کے خلاف جرمانہ کرنے کی وارننگ دی۔

ڈپٹی کمشنر سرینگر شاہد اقبال چودھری نے ای ٹی وی بھارت کو بتایا کہ انہوں نے کل "ایک خط کے ذریعے چیف انجینیئر، پبلک ورکس ڈیپارٹمنٹ کو سرکار کے منصوبوں سے آگاہ کیا-"

انہوں نے مزید بتایا کہ "سڑکوں کی دیکھ ریکھ اور مرمت کا کام ابھی تک شروع نہیں ہوا ہے جس کے سبب عوام کو مشکلات کا سامنا کرنا پڑ رہا ہے اور ان سب کے پیش نظر ان لوگوں پر جرمانہ لگانا لازمی ہے۔"

انہوں نے مزید بتایا کہ "جو افراد سڑکوں کی مرمت اور دیکھ ریکھ پر مامور ہیں ان کے نام بھی طلب کیے گئے ہیں۔ ساتھ ہی ساتھ ٹھیکیدار اور متعلقہ ایجنسی کی ساری معلومات بھی طلب کی گئی ہیں۔"