محکمہ جل شکتی کے خلاف احتجاج

شمالی کشمیر کے ضلع بارہمولہ کے سوپور میں کانٹریکٹر ایسوسی ایشن کی جانب سے محکمہ جل شکتی کے خلاف احتجاج کیا گیا۔

اس موقع پر ای ٹی وی بھارت کے ساتھ بات کرتے ہوئے مقامی کانٹریکٹر شوکت احمد نے بتایا کہ 'ہم نے محکمہ جل شکتی کے ساتھ 2014 سے کام کیا ہے لیکن آج تک ہماری مزدوری کے پیسے واگزار نہیں ہوئے جس کی وجہ سے ہم لوگ کافی پریشان ہیں اور ہمارے بال پچے بھوکے مر رہے ہیں۔'

انہوں نے مزید کہا کہ 'ہم نے کافی بار محکمہ جل شکتی کے افسر سے گزارش کی ہے کہ وہ ہمارے پیسے واگزار کرے تاہم وہ ٹس سے مس نہیں ہوئے۔'

اس سلسلے میں ای ٹی وی بھارت نے ایگزیکیٹو انجینئر محکمہ جل شکتی سے بات کرنے کی کوشش کی لیکن دفتر تالا بند ہونے کی وجہ سے ان کے ساتھ رابطہ نہیں ہوا اور جب فون کیا تو انہوں نے فون کا جواب بھی نہیں دیا۔