' ماہ رمضان کے دوران اپنے گھروں میں عبادت کریں'

کوروناوائرس کو مزید پھیلنے سے روکنے کے لیے ملک بھر میں لاک ڈاؤن جاری ہے۔ اس دوران انتظامیہ کی جانب سے لوگوں کو گھروں میں ہی رہنے کی ہدایت دی جارہی ہے۔

شمالی کشمیر کے ضلع بانڈی پورہ کے سوناواری علاقے میں معروف مفتی مولانا منظور الحسن نے عوام سے اپیل کی کہ وہ سایہ فگن ہونے والے بابرکت ماہ کے دوران اپنے گھروں کے اندر عبادت کریں۔

مولانا منظور الحسن نے کہا کہ' ماہ رمضان کے دوران نماز و دیگر عبادات اپنے گھروں کے اندر ہی انجام دیں۔ '

انہوں نے کہا کہ' چونکہ ماہ رمضان شروع ہو رہا ہے تو اس دوران لوگ اللہ کی عبادت اجتماعی صورت میں انجام دینے میں ترجیح دیتے ہیں تاہم علاقے میں کئی دیہات کورونا وائرس کافی زیادہ متاثر ہوئے ہیں لہذا لوگ کسی بھی صورت میں باہر نہ نکلیں اور عبادت کو گھروں کے اندر ہی انجام دیں تاکہ اس وباء پر قابو پایا جاسکے ۔'

مولانا مفتی منظور الحسن دارالعلوم حنفیہ نائدکھے کے سربراہ ہیں اور پورے علاقے میں ایک بااثر شخصیت تصور کی جاتی ہیں - انہوں نے عوام سے تاکید کی کہ وہ ماہرین صحت اور انتظامیہ کی جانب سے دئیے گئے مشوروں پر سختی سے عمل کریں اور اپنے گھروں سے باہر غیر ضروری طور پر نہ نکلیں ۔'