دفعہ 370 کو ہٹانا غیر جمہوری نہیں

جموں وکشمیر سے دفعہ 370 کی منسوخی کے سلسلے میں کانگریس نے مرکزی حکومت پرسخت نقتہ چینی کرتے ہوئے اس پورے عمل کو غیر جمہوری قرار دیا ہے۔

بی جے پی کے سینئر رہنما اور جموں وکشمیر کے سابق ڈپٹی وزیراعلی کویندر گپتا نے کانگریس کے الزامات کو مسترد کرتے ہوئے کہا کہ یہ غیر جمہوری نہیں ہے، بلکہ پہلے یہ غیر جمہوری تھا۔

انہوں نے کہا کہ صدر نے اپنا فیصلہ دونوں ایوانوں میں زیر بحث لانے کے بعد دیا ہے۔ خود کانگریس کے خیمے میں اس تعلق سے مختلف نظریات ہیں۔ کانگریس کے ہی ڈاکٹر وجئے سنگھ، جیوتیرادتیہ سندیا یا بھوپندر ہوڈا سے پوچھا جانا چاہئے کہ کیا دفعہ 370 کو ہٹانا صحیح فیصلہ ہے یا غلط؟

اس کے ساتھ ہی اس کویندر نے کہا کہ کانگریس میں کوئی ایسا رہنما نہیں ہے جس کی کوئی پہچان ہو۔

کویندر گپتا نے کہا کہ کانگریس پاکستان کی زبان بول رہی ہے اور اب بھی وہی کررہی ہے، اور کانگریسیوں نے گاندھی اور سردار پٹیل کی روح کو تکلیف دی ہے۔