جموں میں موسلادھار بارش سے سیلاب جیسی صورتحال

محکمۂ موسمیات کے علاقائی ناظم سونم لوٹس نے بتایا کہ 'موسلا دھار بارشوں کی وجہ سے فلیش فلڈ آسکتا ہے جس کے پیش نظر لوگوں کو احتیاط برتنا چاہیے۔'

جموں میں بارشوں کا سلسلہ جاری ہے، بارشوں کے سبب دریائے توی سمیت کئی ندی نالوں میں پانی کا بہاؤ تیزی سے بڑھ رہا ہے۔

جموں میں لگاتار بارشوں کے سبب دریائے توی سمیت ندی نالوں میں پانی کا بہاؤ تیزی سے بڑھ رہا اور کسی بھی امکانی صورتحال سے نمٹنے کے لیے انتظامیہ نے افراد و مشینری کو متحرک رکھا ہے۔

واضح رہے کہ محکمۂ موسمیات نے جموں و کشمیر میں بدھ سے دو روز تک بارشیں اور بالائی علاقوں میں زمین کھسکنے کی پیش گوئی کی تھی۔

سونم لوٹس نے کہا کہ بارش کا سلسلہ وقفہ وقفہ سے جمعرات کی شام تک جاری رہے گا۔