زائد از ایک درجن وی ڈی سی اراکین نے یہاں سرکاری بندوقیں ہاتھ میں تھامے ہوئے کہا کہ 'ہم نوے کی دہائی سے اپنا کام بخوبی سر انجام دے رہے ہیں۔ پہلے ہم نے سیکورٹی فورسز کے ساتھ مل کر عسکریت مخالف آپریشنز میں حصہ لیا۔ ایک آپریشن کے دوران ہمارے ایک انکل جی بھی ہلاک ہوئے تھے'۔
ان کا مزید کہنا تھا: 'آج جب دنیا کورونا وائرس نامی وبا سے لڑ رہی ہے اس میں بھی وی ڈی سی اراکین اپنی خدمات انجام دے رہے ہیں۔ لیکن ہم تک کوئی تنخواہ نہیں پہنچ رہی ہے۔ ہم حکومت ہند سے اپیل کرتے ہیں کہ ہمارے بارے میں بھی سوچا جائے۔ ہماری تنخواہ ہمارے بینک کھاتوں میں جمع ہونی چاہیے اور ہمیں بحیثیت ایس پی او بھرتی کیا جائے'۔
قابل ذکر ہے کہ جموں کے پہاڑی علاقوں میں وی ڈی سیز کا قیام 1995ء میں عمل میں لایا گیا تھا۔ ولیج ڈیفنس کمیٹیوں کی تشکیل کا مقصد سرحدی دیہات میں حفاظت کو یقینی بنانا اور ملی ٹینسی سے نمٹنے میں فورسز اور پولیس کی مدد کرنا تھا۔