ڈوڈہ: ڈی ڈی سی انتخابات کے تیسرے مرحلے کے لیے پولنگ جاری

جموں و کشمیر میں جاری ضلع ترقیاتی کونسل انتخابات کے تیسرے مرحلے کے تحت آج ضلع ڈوڈہ کے بھدرواہ ایسٹ اور بھدرواہ ویسٹ حلقہ انتخاب میں ووٹ ڈالے جا رہے ہیں۔

دونوں حلقوں میں 23 امیدوار کی قسمت کا فیصلہ آج رائے دہندگان اپنے حق رائے دہی کا استعمال کے ذریعہ کریں گے۔

انتظامیہ کی طرف سے انتخابات کو صاف شفاف طریقہ سے انجام دینے کے لیے بھدرواہ میں سیکیورٹی کے سخت انتظامات کئے گئے ہیں اور صبح سات بجے سے ہی سخت سردی کے باوجود ووٹران اپنا ووٹ ڈالنے گھروں سے باہر نکلے۔

صبح گیارہ بجے تک بھدرواہ ایسٹ میں 28.7 جبکہ بھدرواہ ویسٹ میں 28.4 ووٹنگ کی شرح ریکارڈ کی گئی ہے۔

واضح رہے کہ مذکورہ حلقوں میں پنچائتی و بلدیہ ضمنی انتخابات بھی منعقد ہو رہے ہیں جو نشستیں بی ڈی سی و کسی دوسری وجہ سے خالی ہوئی تھیں۔