سڑک حادثہ میں زخمی پولیس اہلکار کی موت

ہیڈ کانسٹیبل جوگیندر سنگھ گزشتہ روز روڈ حادثے میں شدید طور پر زخمی ہوگہا جس کی علاج کے دوران آج موت واقع ہوگئی۔

اننت ناگ: جموں و کشمیر کے ضلع اننت ناگ کے تلکھن بجبہاڑہ میں گزشتہ روز ہوئے سڑک حادثے میں ایک پولیس اہلکار شدید طور پر زخمی ہوگیا تھا جس کی آج علاج کے دوران موت ہوگئی۔

اطلاعات کے مطابق 9 دسمبر کے روز ادھمپور کے رہائشی ہیڈ کانسٹیبل جوگندر سنگھ روڈ حادثے میں شدید طور پر زخمی ہوگہا جس کے بعد موقع پر موجود لوگوں نے جوگندر سنگھ کو سب ضلع ہسپتال بجبہاڑہ میں داخل کرایا، جہاں کے داکٹرز نے ابتدائی علاج کے بعد کانسٹیبل کو نازک حالت میں سرینگر ریفر کر دیا جہاں علاج کے دوران اس کی موت ہوگئی۔