پولیس کے مطابق پیر کی شام جہانگیر چوک پر تعینات سی آر پی ایف اہلکار نے ایک نوجوان پر الزام عائد کیا ہے کہ اس نے سکیورٹی اہلکار سے ہتھیار چھیننے کی کوشش کی۔
پولیس نے مزکورہ نوجوان کی شناخت سرینگر کے چھتہ بل علاقے سے تعلق رکھنے والے ارباز منظور کے طور پر کی ہے۔
پولیس کا کہنا ہے کہ نوجوان نے فوجی اہلکار سے ہتھیار چھیننے کے الزام کو مسترد کرتے ہوئے کہا کہ اس کے ساتھی نے اس کو دھکا دیا تھا جس کی وجہ سے وہ سی آر پی ایف اہلکار کی طرف جا گرا۔
پولیس نے کہا کہ وہ اس واقع کی مزید تحقیقات کر رہی ہے۔ انہوں نے مزید کہا کہ سی سی ٹی وی کیمرہ کے فوٹیج کو دیکھنے کے بعد واقعہ کی حقیقت معلوم ہوگی۔