کووڈ 19 سے متاثرہ ملازم لاپتہ، نوشہرہ قصبہ سیل

ضلع راجوری کے نوشہرہ سب ڈویژن ہسپتال کے ایک ملازم کا کورونا ٹسیٹ مثبت آنے کے بعد وہ ملازم لاپتہ ہو گیا ہے جس کے پیش نظر انتظامیہ نے ہسپتال اور نوشہرہ ڈویژن کو سیل کر دیا ہے۔

ایک عہدیدار نے بتایا کہ ہسپتال کے ایک اسٹور کیپر کا کچھ دن قبل کورونا ٹیسٹ کرنے لے لیے سیمپل لیا گیا تھا جس کے بعد ان کی رپورٹ مثبت پائی گئی۔

عہدیدار نے بتایا کہ "اطلاع موصول ہونے کے فوری بعد، محکمہ صحت کی ایک ٹیم مریض کے گھر پہنچی لیکن وہ لاپتہ ہوگئے جس کے بعد اس کا پتہ لگانے کے لئے بڑے پیمانے پر کارروائی شروع کی گئی۔"

احتیاطی اقدام کے طور پر حکام نے نوشہرہ قصبہ اور سب ڈسٹرکٹ ہسپتال کو سیل کردیا۔

ایڈیشنل ڈپٹی کمشنر نوشہرہ، ایس ایس سنبیل نے بتایا "ہم نے فرمیگیشن اور صفائی ستھرائی کے لئے سب ڈسٹرکٹ اسپتال کو بند کر دیا ہے اور پورا عملہ قرنطین کردیا گیا ہے۔"