کولگام میں حالات معمول پر

جنوبی کشمیر کے ضلع کولگام میں آج انٹرنیٹ خدمات کے ساتھ ہی معمولات زندگی پٹری پر لوٹ آئی۔

کولگام کے محمد پورہ علاقے میں کل سکیورٹی فورسز اور عسکریت پسندوں کے درمیان تصادم کے بعد حالات خراب ہوگئے تھے۔

تصادم کے دوران مقامی لوگوں کی طرف سے پتھراؤ کے واقعات پیش آنے کے سبب درجنوں افراد زخمی ہوگئے تھے، جس کے مد نظر انٹرنیٹ خدمات معطل اور تعلیمی ادارے بند کردیے گئے تھے۔

جھڑپ میں ایک مکان بری طرح تباہ ہوگیا تھا، تاہم عسکریت پسند فرار ہونے میں کامیاب ہوگئے تھے۔

ضلع میں آج حالات پُر امن رہے اور بازاروں میں گہما گہمی رہی، البتہ تدریسی عمل متاثر رہا۔