جموں و کشمیر کے ضلع پونچھ تحصیل منڈی سے تعلق رکھنے والی طالبہ نورین فاطمہ دختر محمد رفیق ملک نے بارہویں جماعت میں دسویں جماعت کی بہترین کارکردگی کو برقرار رکھتے ہوئے سال 2019۔20 انیول ونٹر زون امتحان میں ایک بار بہترین کار کردگی کا مظاہرہ کیا ہے-
گورنمنٹ گرلز ہائیر اسکینڈری اسکول منڈی کی طالبہ نورین فاطمہ نے بارہویں جماعت کے امتحانات میں 500 نمبرات میں سے 437 نمبر حاصل کرکے منڈی تحصیل کا نام روشن کیا- جبکہ دسویں جماعت کے بورڈ امتحان میں انہوں نے 92 فیصد نمبرات حاصل کئے تھے- اس بار بارہویں میں انہوں نے %87.5 نمبرات لیکر والدین، اساتذہ اور اپنے علاقے کا نام روشن کیا-
اس حوالے سے نورین فاطم نے خوشی کا اظہار کرتے ہوئے سبھی والدین سے اپیل کی ہے کہ وہ اپنی بیٹیوں کو اسکول بھیجے- انہوں نے کہا کہ لڑکیوں کو تعلیم سے دور نہیں رکھا جانا چاہیے۔