جموں کشمیر کی سرمائی دارالحکومت جموں کی جامعہ مسجد میں انتظامیہ نے معراج عالم کی تقریبات نہ کرنے کا فیصلہ کیا ہے۔
کوروناوائرس سے نمٹنے کے لئے ضلع انتظامیہ جموں نے جمعہ کے روز بھی اجتماعی طور پر مسجدوں میں نماز پڑھنے پر پابندی عائد کی ہے۔
جموں: معراج عالم کی تقریبات معطل
مرکزی جامعہ مسجد جموں انتظامیہ نے معراج عالم کے دن بڑی تقریبات کو معطل کرنے کا فیصلہ کیا۔
جموں انتظامیہ نے معراج عالم کی تقریبات معطل کی
وہیں آج مرکزی جامعہ مسجد طلاب کھٹیکا میں مسجد انتظامیہ نے میٹنگ منعقد کی جس میں مفتی عنایت اللہ اور مسجد کے صدر غلام حسن اور چیرمین شیخ ظہور نے حصہ لیا۔
میٹنگ کے بعد مفتی عنایت نے کہا کہ جموں کے تمام مسلمانوں سے ہم گزارش کرتے ہیں کہ معراج عالم کے موقع پر وہ اپنے گھروں میں عبادت کریں اور مسجد انتظامیہ نے تمام بڑے اجتماع نہ کرنے کا فیصلہ کیا ہیں جس کا تمام لوگوں کو احترام کرنا چاہیے۔
واضح رہے کہ گزشتہ روز جمعیت اہل حدیث جموں و کشمیر اور وادی کے بیشتر علماء نے جمعہ نماز کے وقفے کو کم کرنے کی عوام سے گزارش کی تھی۔