یاسین ملک کے گھر پر تحقیقاتی ایجنسی کی ریڈ

قومی تحقیقاتی ایجنسی این ائی اے نے جے کے ایل ایف کے چیئرمین یاسین ملک کے رہائش گاہ پر چھاپہ مارا۔

جموں کشمیر لبریشن فرنٹ کے ترجمان نے کہا کہ این ائی اے نے ریاستی پولیس اور فوج کی ٹیم کے ساتھ یاسین ملک کے گھر پر صبح 7 بجے چھاپہ مارا۔

انہوں نے کہا کہ علاقے کو ہر طرف سے محاصرے میں لے لیا گیا ہے۔ میڈیا کو بھی علاقے میں داخل ہونے کی اجازت نہیں دی جارہی ہے۔

انہوں نے مزید کہا کہ یاسین ملک کو سرینگر کے کوٹھی باغ پولیس اسٹیشن میں رکھا گیا ہے۔

مزید تفصیلات کا انتظار ہے۔