پاکستانی شہری گرفتار

جموں و کشمیر کے سرحدی ضلع کپوارہ میں لائن آف کنٹرول پر فوج نے پاکستان زیر قبضہ کشمیر کے ایک شہری کو گرفتار کر لیا ہے۔

سرکاری ذرائع نے بتایا کہ کپوارہ میں لائن آف کنٹرول پر دلر پوسٹ کے نزدیک فوج کی 17 بہار رجمنٹ نے پاکستان زیر قبضہ کشمیر کے ایک شہری کو گرفتار کیا۔

گرفتار شدہ شخص کی شناخت شبیر احمد ولد میر ولی ساکنہ منجکوٹ پاکستان زیر قبضہ کشمیر کے بطور ہوئی ہے۔

ایک پولیس افسر نے پاکستان زیر قبضہ کشمیر کے شہری کی فوج کے ہاتھوں گرفتاری کی تصدیق کرتے ہوئے کہا کہ فوج گرفتار شدہ شخص کی پوچھ تاچھ کررہی ہے کہ آیا وہ غیردانستہ طور پر سرحد کے اس پار داخل ہوا ہے یا اس کے پیچھے کوئی مقصد کار فرما ہے۔