تعمیراتی کاموں کو مکمل کرنے کی ہدایت

وادی کشمیر میں لاک ڈاؤن کے بعد تعمیراتی کاموں پر روک لگانے کی وجہ سے ہوئے نقصانات کی بھرپائی کی غرض سے میونسپل کونسل اننت ناگ نے عوامی مفاد کے لیے تعمیراتی کاموں کو منظوری دی ہے۔

اس سلسلے میں کونسل کی جانب سے اٹھائے گئے کئی تعمیراتی کاموں کو شروع کیا گیا ہے۔ کونسل کے صدر ہلال احمد شاہ نے اس دوران کئی تعمیراتی کاموں کا جائزہ لیا اور متعلقین کو کورونا سے حفاظت کی خاطر وضع کردہ قواعد و ضوابط کی پاسداری کرنے کی بھی ہدایت دی۔

انہوں نے ضابطے کے مطابق تعمیراتی کاموں کو مکمل کرنے بھی ہدایت دی۔ واضح رہے کہ لاک ڈاؤن کی وجہ سے وادی کشمیر سمیت پوری دنیا کا نظام ٹھپ ہو کر رہ گیا تھا تاہم اب احتیاطی تدابیر کے ساتھ ساتھ ہر رکا ہوا کام بحال ہوتا جارہا ہے۔ اسی صورتحال میں ہر خاص و عام پریشان ہو کر رہ گیا تھا۔