لاک ڈاؤن کے باوجود لاکھوں مالیت کے موبائل فونز چوری

دنیا بھر میں جہاں کورونا وائرس کے خوف نے لوگوں کو گھروں کے اندر محصور کر دیا ہے وہیں سرحدی ضلع راجوری میں لوگوں کو کورونا وائرس کے ساتھ ساتھ چوروں کا خوف بھی لاحق ہے۔

سرحدی ضلع راجوری میں درمیانہ شب ایک موبائل شو روم سے چوروں نے تقریباً پانچ لاکھ کے قریب کا موبائل چوری کر لیا۔

شو روم کے مالک نے تفصیلات فراہم کرتے ہوئے کہا کہ رات تقریباً تین بجے ان کو معلوم ہوا کہ ان کی دوکان میں چوری ہوئی ہے جبکہ دوکان پر پہنچے تو موقع پر ایک بھی پولیس اہلکار موجود نہیں تھا۔

انہوں نے کہا پولیس اسٹیشن سے سو میڑ کے فاصلے پر اس شو روم کے قریب مزید دو دوکانوں پر چوروں نے ہاتھ صاف کیا جبکہ کورونا وائرس کے تیزی سے پھیلنے کی وجہ سے پورے علاقے میں لاک ڈاؤن جاری ہے۔

لاک ڈاؤن کی وجہ سے پولیس اہلکار کی اجازت کے بغیر کسی بھی شخص کو آنے جانے کی اجازت نہیں ہے اس کے باوجود چور بے خوف و خطر چوری کر کے فرار ہو گیا۔