فوجی کمانڈر کی ایل جی سے ملاقات

شمالی فوجی کمانڈر لیفٹیننٹ جنرل وی کے جوشی نے بدھ کو سرینگر کے راج بھون میں لیفٹیننٹ گورنر جی سی مرمو کے ساتھ ملاقات کی جس کے دوران دونوں اعلی عہدیداروں نے جموں و کشمیر کی سیکیورٹی کی مجموعی صورتحال پر تبادلہ خیال کیا۔

فوجی کمانڈر وی کے جوشی نے ایل جی کو جموں و کشمیر کی موجودہ سیکیورٹی صورتحال سے متعلق آگاہ کیا اور انہیں تفصیلی جانکاری دی-

انہوں نے جموں و کشمیر کی اندورنی سیکیورٹی کے متعلق ایل جی سے تبادلہ خیال کرتے ہوئے یہ جانکاری دی کہ سیکیورٹی فورسز اور فوج نے مشترکہ طور پر عسکریت پسندوں کے خلاف کاروائیوں میں کامیابی حاصل کی ہے اور آگے بھی یہ سلسلہ جاری رہے گا۔

ایل جی نے فوج کی سراہنا کرتے ہوئے اس بات پر زور دیا کہ فوج اور دیگر سیکیورٹی فورسز ایک ہوکر جموں و کشمیر میں امن و امان قائم رکھنے کے لیے اپنی کاروائی جاری رکھے- اس میٹنگ کے دوران فوجی کمانڈر بی ایس راجو بھی موجود تھے۔