Swachhta Pakhwada گاندربل میں سوچھتا پکھواڑا کے تحت چار ہزار مقامات پر صفائی مہم کا اہتمام

ضلع گاندربل کے تقریبا چار ہزار مقامات پر سوچھتا پکھواڑا کے موضوع پر ایک تاریخ، ایک گھنٹہ، ایک ساتھ کے تحت 4000 مقامات پر ایک بڑے پیمانے پر صفائی مہم چلائی گئی۔

گاندربل:مرکز کے زیر انتظام یوٹی جموں و کشمیر کے ضلع گاندربل کے تقریبا چار ہزار مقامات پر سوچھتا پکھواڑا کے موضوع پر ایک تاریخ، ایک گھنٹہ، ایک ساتھ کے تحت 4000 مقامات پر ایک بڑے پیمانے پر صفائی مہم چلائی گئی۔

ایک گھنٹہ کا ایک پروگرام منعقد کیا گیا جس کا مقصد معاشرے کی خدمت اور قوم کی تعمیر کے اقدار کو فروغ دینے کے لیے اپنے اردگرد کے ماحول کی صفائی کے معاملے میں ہماری قوم کے لیے ایک قابل قدر حصہ ڈالنا تھا۔

ایک گھنٹے کے پروگرام کے دوران شرکاء نے سڑکوں، پارکوں، دفاتر، سندھ نالے کے کناروں اور دیگر آبی ذخائر سے کوڑا اٹھایا تاکہ اسے ماحول دوست طریقے سے ٹھکانے لگایا جا سکے۔ تمام محکموں نے دیہی اور شہری دونوں علاقوں میں دفاتر، عوامی مقامات جیسے بس اسٹینڈز، سیاحتی مقامات، ندی کے کناروں، نالوں میں سوچھتا مہم کا اہتمام کیا۔

ڈپٹی کمشنر گاندربل شیامبیر سنگھ کی نگرانی میں منی سیکرٹریٹ گاندربل میں اور اس کے آس پاس میگا صفائی مہم کا انعقاد کیا گیا جس میں ایڈیشنل ڈسٹرکٹ ڈویلپمنٹ کمشنر مشتاق احمد سمنانی، ایڈیشنل ڈپٹی کمشنر معراج الدین شاہ اور دیگر ضلعی افسران و اہلکاروں نے بھی شرکت کی۔

اس دوران ایگزیکٹیو انجینئر تعمیرات عامہ طہتیر منظور اور ڈپٹی کمشنر گاندربل شامبیر سنگھ نے اس دن کی اہمیت بیان کرتے ہوئے کہا کہ میں سبھی لوگوں اور سرکاری ملازمین سے گزارش کرتا ہوں کہ وہ اپنے اپنے علاقوں گھروں اور دفاتر میں صفائی کا خاص خیال رکھیں۔