گزشتہ دہ ماہ کے زائد عرصے سے ڈل جھیل کی صفائی نہیں ہو سکی ہے جس کی وجہ سے پانی گندہ ہونے کے سبب بدبو پھیل رہی ہے۔ اس کے ساتھ ہی مچھلیاں بھی گندگی کے سبب مر رہی ہیں۔
ڈل کی اس بگڑتی ہوئی حالت پر لیکز اینڈ واٹر ویئز ڈیولپمینٹ اتھارٹی کی طرف سے کوئی توجہ نہیں دی جا رہی ہے۔
جھیل کی صاف صفائی کی ذمے داری متعلقہ محکمے کی ہے مگر اس سلسلے میں کوئی کارروائی نہیں کی جا رہی ہے۔
ڈل کی صفائی کے نام پر اگرچہ لاکھوں روپے مختص کیے جاتے ہیں۔ تاہم جھیل کی موجودہ حالات سے یہ اندازہ ہو سکتا ہے کہ فنڈ کا استعمال ٹھیک طرح سے نہیں ہو پا رہا ہے۔
مقامی باشندوں کا کہنا ہے کہ 'ڈل کی صفائی تب ہی کی جاتی ہے، جب وہاں سے کسی مرکزی یا ریاستی رہنما یا انتظامیہ کے اعلیٰ افسر کا گزر ہوتا ہے۔'